周秀娜吟詩寸前度：但願人長久
陳偉成（Avis）與蕊蕊各自爆出新歡，關係七國咁亂！身為Avis前度女友的周秀娜一於置身事外，身在北京的她還詩興大發，趁下月是中秋節，借北宋文學家蘇軾的詞《水調歌頭》，來為Avis贈興。她說：「人有悲歡離合，月有陰晴圓缺，此事古難全，但願人長久，千里共嬋娟。中秋節就到，希望大家開開心心，其他嘢就唔想講喇！」提到Avis刻意遮掩新歡樣貌，娜姐寸爆說：「哦！可能佢下次唔蒙面呢！」
另外，何浩文（Dominic）坦言不知道老友Avis有新歡：「都想知道邊個圈中人係佢女友，如果佢搵到真愛都係好事，希望係最後一個啦！」問會否覺得Avis感情生活混亂？他說：「都唔會，之前嗰啲都過去，都分晒手先同第二個一齊！」