王馨平趙式和交心好友苦樂與共

緣分冥冥中主宰着很多事情!王馨平(Linda)父親王羽跟趙式和母親何琍琍年輕時在邵氏一同拍戲,造就了兩位下一代成為好友。Linda跟式和同時以「相睇」來成親,二人沒有想過電影中最老套的橋段竟成就了自己的姻緣,也因此深信緣分!估不到的還有兩人父親相繼中風,在低潮時互相勉勵,患難中更見真情!

王馨平的父親王羽與趙式和的母親何琍琍年輕時一起在邵氏拍戲,當時兩人都當紅,常結伴出席活動剪綵,十分威水!但Linda跟式和真正交心始於上海,當時式和隨母親何琍琍到上海打理餐廳生意,Linda陪伴老公李家輝(Stephen)到滬開會,並不時到何琍琍開設的餐廳用膳,二人才開始培養友誼!

2000年,31歲的王馨平經父親介紹下,與現任夫婿「相睇」,Linda笑說:「我其實好唔想去,當時只係應酬吓老人家,但去到第一眼見到Stephen,感覺係『叮』一聲:係你喇!因為當時大家都到咗適婚年齡,所以我哋拍拖一年左右就結婚,我諗呢啲就係緣分,個天好似已經幫我鋪定路咁!」

冇計劃生仔

無獨有偶,式和於2007年,亦由父親趙世光安排跟現任丈夫李承康「相睇」,式和說:「我仲記得第一次見面係喺福臨門,當時覺得大家都幾好傾,再之後約會咗幾次就拍拖,當時我都過咗三十歲,所以到2009年我哋就結婚!」式和結婚當日,已婚的Linda更為好姊妹出任伴娘。二人婚後都沒有小孩,式和說:「老公大我9歲,婚前我哋已經協議咗唔會生BB,因為老公Daddy喺佢好細個時就過咗身,08年佢後父亦因病去世,所以佢個人比較悲觀,覺得可以選擇下都唔想生BB,我就畀佢洗咗腦!」Linda亦自爆曾經試過人工受孕,可惜沒有成功,到現在已再沒計劃生仔。

患難見真情

二人的「戀愛」經歷類同,料不到兩人父親均患中風。2004年,趙世光第一次中風,當時因為及早治療,康復程度十分理想,式和嘆父親未有警惕,繼續忙得天昏地暗,晚上還會喝酒麻雀耍樂,卒之2010第二次中風,病情亦嚴重得多。這幾年,母親何琍琍及姐姐趙式明輪流照顧父親,但畢竟是第二次中風,所以康復緩慢。而Linda父親王羽於2011亦於珠海中風,幸得到有經驗的式和安排回港治療及介紹醫生,現時王羽已康復了八成,經此一役,患難見真情,二人有着更深厚的情誼!

文:名人組