堪輿學家李丞責與老婆劉倩婷昨日在三號風球下出發到倫敦，開展三星期之旅。在電話訪問中，問到李丞責此行是否順道造人，他就笑言：「睇吓有冇機會啦！（不設防？）兩公婆不嬲都無防！」他更謂希望兩個去，四個返！
另問到有傳無綫高層余詠珊封殺李丞責，力捧蘇民峰，但李丞責就表示私下與余詠珊都有講有笑：「咁大間公司，唔係一個人嘅恩怨錄，加上玄學界百花齊放都係好嘅！」
