Mandy工作狂懶拍拖
名模Mandy Lieu近日忙於工作，電影一部接一部。對於陳靜（DaDa）宣布退出幕前，但又選擇性為另一部戲開工，Mandy坦言不清楚事件始末：「每個人思想同經歷都唔同，我對自己嘅工作好有熱誠，從來冇試過想逃避，就算要我凌晨三、四點開工，我都一樣好開心。」
不過，由於工作太忙，令Mandy沒時間陪家人及找男朋友，她表示：「好耐冇返去馬來西亞探家人，月底諗住返去探佢哋，因為我細佬就快生小朋友，我想返去睇BB。（幾時到你生？）依家咁忙，好難拍拖，連洗衫都冇時間。我唔心急，仲有大把時間。」