張達明玩遊戲醫生on call
去年患上癌症的男藝人張達明最近逐漸康復，前晚為「獎門人」任嘉賓。主持曾志偉錫住達明，玩遊戲時不用他操勞，豈料達明「恩將仇報」狂數志偉，達明笑說：「你係咪長期買短褲當長褲着？你屋企人係咪多到數唔到？」另達明在玩遊戲前更畀定醫生電話志偉，相當謹慎。
男藝人張達明、谷德昭、劉以達、湯寶如及胡渭康等前晚在三號風球下到將軍澳電視城錄影《超級無敵獎門人終極篇》。去年患上癌症的達明身體逐漸康復中，雖然聲線有點沙啞，但精神相當好。
獎門人志偉錫住達明，不用他玩難度高遊戲，但達明卻「恩將仇報」，玩「爆波波」遊戲時被要求說出激嬲志偉的說話，他說：「志偉有冇一米五二高呀？你係咪長期買短褲當長褲着？你屋企人係咪多到數唔到？玩過山車係咪要家長帶住？志偉係好老闆？同佢打咗兩年工都冇加過人工。」笑爆全場！他笑言人生賺得的第一桶金七十多萬就是玩「獎門人」奪得，揚言要再贏個夠本。
手腳感麻痹
達明受訪時透露自己健康已八、九成康復，但手腳靈活度暫時只康復了六成，手腳有時會感到麻痹，現在做運動、瑜伽及氣功鍛煉身體，他透露玩遊戲前已向志偉要求「錫住」：「我講明好多嘢我唔玩得，好似食唔到刨冰同埋辣辣壽司，我畀定我醫生同律師電話佢。」至於劉以達玩遊戲時則神神化化，胡渭康輸了要被罰吃辣辣壽司，他突然請纓幫手，最終兩人嘴對嘴各吃半舊壽司，相當核突！
文：影視組