歐陽菲菲延遲抵港無礙綵排

七十、八十年代紅遍中港台的歌手歐陽菲菲、潘美辰、潘越雲、萬芳、黃安、林淑容、羅時豐、周治平及「特別情商」演出的甄妮組成「九星連珠」，將於明日及後日假紅館舉行「世紀情歌世紀情巨星演唱會」。巨星雲集，卻遇上今年首個八號風球，真是貴人出門招風雨！其中有三十年未有在港開騷的歐陽菲菲，亦被迫延至昨日黃昏才到埗，而萬芳及黃安亦受到風雨影響遲幾小時才抵港，令綵排被迫延期。

未有打亂陣腳

談到「風襲」令綵排延期，主辦商丘亞葵大派定心丸指演唱會並無受影響：「歐陽菲菲唱歌多年，畀佢踩吓台就冇問題喇。不過佢同甄妮一個中key一個高key，需要夾吓，但我對佢哋有信心！」問到颱風有否打亂陣腳？丘亞葵說：「好彩冇，fans唔使擔心，要湊齊九位巨星，係世紀之作，幸好個風咁快走，真係天公作美。」有份參與演出的萬芳笑言習慣了颱風，又指心情並無受影響：「台灣也有颱風，蠻習慣的，心情沒有受影響。」

女版麟李吸引

另外，提到主辦商有意將歐陽菲菲及甄妮打造成「女版左麟右李」，丘亞葵直言會盡力拉攏：「我會努力，但要尊重佢哋意願，有呢個構思曝光後，好多外地主辦都有意搵佢哋合作，今次廣東省、雲頂都會有高層來睇騷，（唔怕畀人捷足先登？）唔怕，我哋會用好嘅合作方式打動佢哋！」而颱風遠離後，一眾巨星亦陸續到紅館作最後準備。

文：音樂組