祖兒瞓身谷胸男人行開

禾稈冚珍珠的祖兒日前為今日推出的新專輯《Little Day 小日子》拍攝封套，找來合作無間的創作總監SK Lam及國際級攝影師陳漫操刀，祖兒為唱片首次拍「床照」，更罕有谷出B Cup上圍，以喱士吊帶背心襯開胸透視衫的祖兒為配合主題，更應要求打側躺在床上，期間「南北半球」展露人前，吸睛成功。

盼同事唔好嬲

祖兒坦言拍攝時為以最佳狀況及最自然一面示人，特別向總監要求清場，祖兒說：「想放鬆心情去拍，如果太多人望住就會好緊張，所以謝絕所有男同事探班，除咗真係有工作需要嘅男士，其餘都要行開避一避。」問到是否緊張過度？祖兒說：「我對陳漫好有信心，之前出國語碟都合作過，好欣賞佢捕捉嘅神態同角度。」她隨即向男同事道歉：「真係唔好意思，希望唔好嬲我啦！」

男友興奮慶生

另外，祖兒的男友劉浩龍前日37歲生日，祖兒透露早已與對方及朋友食飯慶祝，浩龍前晚急不及待在微博上載捧住蛋糕的相，由於他首次與女友在港度過生日，難怪他留下：「今年生日過得非常開心。」隨即答謝所有祝福他的人，並說：「願望係可以喺十一月送到一首新歌畀大家。」

文：音樂組