黃宗澤香香傳緋聞得啖笑

黃宗澤（Bosco）、岑麗香、鄧紫棋（G.E.M.）、林欣彤等前晚為《超級無敵獎門人終極篇》錄影，緋聞男女Bosco與香香無懼傳言照樣玩得投入，對於有指舊愛胡杏兒好姊妹胡定欣阻止二人復合，Bosco表示與定欣有短訊來往約食飯。與杏兒分手一年的他，被問到會否翻撻，Bosco笑謂：「30幾年前嘅嘢，佢都返咗內地拍劇啦！（你有乜新戀情?）冇要求同強求，呢排冇戀情（香香呢?）傳嘅啫，原本諗住唔傳，點知拍到尾先傳，諗住笑下就算。」談到新劇《點金聖手》無緣與苗僑偉合作，Bosco透露只知對方以私人理由辭演，故戲份上應會稍作調動。
Bosco未有強求新戀情，他更笑言冇打算同香香傳緋聞。
Bosco未有強求新戀情，他更笑言冇打算同香香傳緋聞。

而香香於出場時被主持阮兆祥玩弄，指曾與她傳緋聞的錢嘉樂與Bosco同場，可謂新歡舊愛共冶一爐，不過廣東話不精的香香卻不明所以，揚言要搵救兵翻譯。對於與Bosco一起上節目，香香未有理會緋聞，只擔心未能唸急口令。

香香玩遊戲時笑料百出，要Bosco在旁幫手。
  • 香香玩遊戲時笑料百出，要Bosco在旁幫手。