張敬軒絕迹4年 執正入無綫
已過檔英皇的張敬軒昨日相隔4年重返無綫show，心情激動的他直言好感慨，又稱會為《星夢傳奇》任評判，更大讚鄭俊弘（Fred）有潛質；星煥老闆何哲圖則否認Fred遭太太余詠珊逼簽旗下，但坦言甚有興趣邀對方加盟。
歌手張敬軒、王菀之（Ivana）、謝安琪、梁漢文（Edmond）及鄧紫棋（G.E.M.）等昨日出席《星光熠熠耀保良》記者會，過檔英皇的軒仔於4年後首返無綫做節目，故他以西裝、打煲呔盛裝出席，又表示心情激動、開心：「好感慨，好耐冇做過TVB嘅大show。（加入英皇似逃生？）唔可以話係逃生，只係之前公司嘅狀況問題，超過咗歌手嘅能力範圍，所以今日會好好把握。」
王菀之「火辣」合作
軒仔又透露稍後會為節目《星夢傳奇》擔任評判，問他會否鬧人？他說：「睇情況，未必會，之前睇過幾集好感人，依家啲歌手嘅界限唔係咁清楚，阿Fred（鄭俊弘）好有talent，節目都畀到個平台藝人唱歌。」Ivana則謂會跟軒仔有「火爆」及「火辣」的表演，問到二人現時的感情？她說：「穩步上揚，好迷離。」
同場的星煥老闆何哲圖（Herman）則否認太太兼無綫高層余詠珊，以「賤價」逼阿Fred簽星煥，他說：「我知好多唱片公司有興趣簽佢，但TVB完咗《星》先會傾簽邊間。（有興趣簽佢？）有，對男女新人都留意。（老婆幫手有優惠？）老婆未入TVB前，星煥同TVB關係都好好，都有簽鍾嘉欣、許廷鏗，我哋會栽培有潛質嘅歌手。」
梁漢文認是但噏
有指陳奕迅（Eason）患躁鬱症，更與家人赴英養病，好友Edmond表示不知情：「但開完咁長嘅演唱會，放長假都好正常。（佢鬧過你？）佢唔敢。（但佢鬧歌迷。）係佢嘅風格，台上亂噏，玩吓啫。」早前他踢爆蘇永康「好事近」，Edmond指因常被問到BIG FOUR之事，故只是隨便說說。
文：影視組