汪圓圓愛的證明 玩殘加讚
準新娘汪圓圓雖然11月才舉行婚禮，但心情已很緊張，因不少婚禮細節尚未辦妥，而未婚夫蔡加讚又非常忙碌，雖然如此，但圓圓未有錫住未婚夫，笑言於接新娘環節時為要證明加讚有多愛她，着姊妹團不要手軟，勿輕易讓他過關！
衍生行前晚舉行「花樣年華螢17」周年晚宴，邀請汪圓圓、趙碩之（Wylie）、陸詩韻、何紫綸、陳嘉桓、黃柏高、白健恩等出席，場面熱鬧，與表妹湛琪清同行的圓圓打扮得花枝招展，一副待嫁心情模樣，雖然11月才與「玩具大王」兒子蔡加讚舉行婚禮，但她笑言已心情緊張，期間圓圓還與衍生行董事總經理彭少衍及夫人合照。
連結婚相都未揀
談到婚禮細節，圓圓透露尚有不少細節事情未能確定：「菜都未試，婚禮會喺會展擺百幾圍，但因為布置問題唔可以擺咁多，睇吓要犧牲靚景定圍數囉！真係好多嘢未搞，連結婚相都未揀，（加讚冇幫手？）佢好忙，早兩日又唔喺香港，我開始唔理佢，要自己搞，（有冇發佢脾氣？）咁又冇。」圓圓謂正籌備告別單身派對，有意相約姊妹及兄弟團一起玩開頭部分，後來再分頭狂歡，問到接新娘當日，會否着姊妹不要玩殘未婚夫？圓圓笑謂：「冇呀！梗係要做啲嘢證明有幾愛啦！唔可以咁容易o架！」
趙碩之自己議價
而回復自由身的Wylie，則表示對親自傾價錢接工作沒問題，情況也算不俗，談到同期出道的陳靜宣布退出娛樂圈，Wylie直言感可惜：「都有少少震驚，（陳靜公司要求賠償千萬！）佢公司講佢值呢個價，我都戥佢開心，但喺朋友立場，個心就有少少唔舒服。」
文：影視組