法拉終見人 大方認戲屎
熱播劇《衝上雲霄II》播出至今，身為女主角的陳法拉終於首度在港現身，與林家棟為新片宣傳。盛傳法拉與薛世恒「離婚」，今趟回港是為取贍養費，法拉帶笑表示與薛生互有聯絡：「同佢有共識，唔會再就呢方面回應，（咁你仲住何文田？）嗰度仲租緊，（一個人住？）唔答啦，（薛生係咪住何文田？）佢嘅行蹤我唔可以幫佢講。」再追問可有復合機會？法拉笑言連母親也未過問，又希望事業有另一階段發展：「依家無綫、內地經理人公司都有搵我，我主要睇有冇發展機會，未落實幾時簽。（王維基有冇搵你？）冇喎。」
對於有指法拉在《衝II》演技差，又盛傳爭贏戲份踢走徐子珊，她說：「無綫咁大咁多員工，我應該向邊個講我要爭戲份呢？」但她也感謝觀眾對她關心及寬容，並稱知自己有進步空間。