張家輝談封帝︰多多唔拘
影帝張家輝昨偕同「金爵影后」李馨巧及導演林超賢無懼30多度高溫，現身旺角行人專用區宣傳新片《激戰》，現場人山人海，圍觀者紛紛舉機拍照，又大喊家輝名字，相當熱鬧。心情不俗的家輝戴上拳套，與小馨巧即場示範拳技，有板有眼。
對於數場試片後外界反應正面，家輝直言要感恩：「我係香港仔，比較在意本土反應，（有信心再成為金獎影帝？）平常心。（因為攞過？）呢方面多多都唔拘。」
與林超賢明年開新片
家輝透露其實已有片商向他與林超賢打主意，誠邀二人再合作：「呢次會以上海灘為背景，不過故事細則未傾到，一切言之尚早。」林超賢事後接受電話訪問時同樣表示：「呢套戲最快都要明年年中先開到，題材會涉及黑幫，我都幾期待嘅。」他又坦承《激》片拍到中段，已計劃再找家輝夥拍彭于晏開戲：「好似《証人》反應好，我哋唔一定要拍續集，可以原班人馬拍《綫人》嘛。」另外，家輝、彭于晏及林超賢日前接受有線訪問，彭于晏自爆被家輝的胸肌吸引，忍不住偷看對方換衫。戲中二人因苦練「鎖技」變成「接吻」，家輝忍不住揶揄彭于晏猖狂：「我諗住交行貨，點知成個嘴畀佢含住咗！」
文：影視組