顏卓靈背對白一字不漏
影壇新人顏卓靈（Cherry）和蔡瀚億（BabyJohn）最近為《娛樂onShow》擔任嘉賓，並暢談拍戲趣事！雖然BabyJohn在新戲中藉教太極來追求Cherry，不過現實中的Cherry似乎對BabyJohn不過電，還滔滔不絕晒自己演出經驗比對方多，引發連串笑彈。
影壇新人顏卓靈（Cherry）和蔡瀚億（BabyJohn）日前獲邀請來到《娛樂onShow》，並與主持人廖嘉輝（Look）暢談演藝之路!早前，BabyJohn與Cherry在電影《狂舞派》首次擔正做男女主角，談到戲中情節，BabyJohn向Cherry傳授太極絕技，並與她發展感情線，問到現實中的BabyJohn會否藉教戲為名去追女仔時，BabyJohn即尷尬地說：「絕對冇呀！其實我係教小朋友做戲，所以絕對唔會用追女仔嘅角度去追學生！」他們亦曾拍過不少為人共知的廣告，至於對BabyJohn不過電的Cherry，更在BabyJohn面前勁晒自己的演出經驗比對方豐富，她自鳴得意說：「我最深印象係第一次拍嘅廣告，當時中三嘅我長頭髮，肥嘟嘟。因為個廣告就係講考試防出貓，隔籬個男仔係咁偷睇我份卷，跟住我啲字愈寫愈細，最終我都拎咗支好幼嘅筆出嚟‥‥‥」然後，Cherry竟自動波、一字不漏背出當年的廣告對白，實在令人拍案叫絕！Cherry笑說：「廣告本身有多字要背，當時導演仲擔心廣告超時，點知因為我講得太快，令廣告太快完結！」
BabyJohn強調不是宅男
BabyJohn雖然外表斯文，但他在廣告中經常扮演一些騎呢角色，反差甚大！當中最難忘的，是他在紙巾廣告扮演宅男，並與紙巾跳番Part舞！廣告中，BabyJohn演宅男演得出神入化，不過他卻一再強調不是宅男：「當時導演叫我同紙巾跳舞，叫我Jam啲嘢畀佢睇！我唔介意做嘅角色落差大，因為做演員就係想好百變，不過我強調我唔係一個宅男！」
文：專案組