趙勁皓驚現「鬼剃頭」
晒肌上位的肌男趙勁皓（King）充滿生意頭腦，不過為打理餐廳生意兼做幕前工作，搞到大隻仔King體力透支及受壓力困擾情緒，他更自爆曾驚現「鬼剃頭」，幸得到好友顧又銘開解及中醫治療後，靚仔外表才回復。
肌男趙勁皓（King）今年推出處男寫真後人氣急升，四肢發達的他滿腦子搵銀大計，年紀輕輕已是酒吧及食店老闆，每當不用幕前工作，King即返回食店「北京老家」幫手，他說：「呢間舖投資咗近7位數，自己生意要睇緊啲，好開心依家慢慢上軌道。」表面看來King是少女心中筍盤，有型靚仔又有自己事業，但要兼顧幕前工作及生意，King做到無停手。
好友開解減壓
日捱夜捱的他除早前身體出現警號要「入廠」外，他更自爆曾因擔心生意，壓力過大而有「鬼剃頭」：「之前胰臟炎出院後，當時情緒好低落，始終食店生意剛開始，自己成日煩唔夠休息，壓力好大，就出現脫髮問題，俗稱的『鬼剃頭』，因為要出活動同工作，所以我嗰時仲要戴髮片。」
幸好得到好友顧又銘的開解減壓，並介紹中醫給他治理「鬼剃頭」，脫髮問題已好轉，他說︰「佢知道我有好大壓力，雖然佢當時唔在香港，仍經常同我短訊開解我，叫我放鬆啲，仲介紹中醫畀我，真係好多謝佢。」
開健身室吸金
現在，King再次投入搵銀大計，並將開設健身室繼續吸金，他稱：「之後會開健身室，會贊助全公司的同事免費做gym keep fit，希望可以請顧又銘做客席教練。」
採訪︰專案組