林溥來懶理名氣:最緊要有料

林溥來（Patrick）近年既為無綫兒童節目擔任主持人，亦有打理其三間補習中心生意，本來已忙得不可開交，但為人師表的他希望趁今個暑假讓學生們更充實，於是與慈善團體「Food Angel」合辦《關愛世界100字英文故事創作比賽》，當中以珍惜食物為主題，希望透過活動讓學生更關心社會。

碌人情卡拍片

Patrick更出盡人情牌邀請圈中人拍短片支持，當中包括樂壇組合Mr.、梁嘉琪等。問到邀請藝人拍短片可有遇上困難，他說：「其實大部分都好易話為，其實我本身唔識Mr.，係搭上搭搵朋友幫手，（仲想搵邊個？）搵緊謝安琪同張繼聰兩公婆，因為佢哋都係創作歌手，又鍾意做善事，希望搵佢哋一齊參與。」

龍小菌加入補習界受到不少批評。

林溥來與何傲芝傳緋聞，他澄清二人只是朋友。

問到可有邀請過氣緋聞女友何傲芝，他澄清說：「我同佢係朋友咋，平時都好少聯絡，不過今次本來都想搵佢，但因為佢係TVB藝人合約唔拍得，冇辦法啦！」

有千幾個學生

提到歌手龍小菌加入做補習老師惹來抨擊，指她借名氣搵銀，Patrick說：「咁又唔好咁先入為主，可能佢真心想教學生，名氣呢啲嘢係過眼雲煙，（你身為校長會唔會請佢?）我無任歡迎，不過都要見下先，我覺得做老師學術同身教都好重要，慶幸我間中心嘅老師都好好，依家暫時有千幾個學生。」

文：專案組

攝：李廣成

場地：Dream Cafe