陳爽闖雲霄再續星夢
前華姐陳爽兩年前放棄多姿多采的演藝圈，投身航空業，成為航空公司高層，上年年尾她更下嫁金融才俊梁梓軒，現在陳爽開口埋口都是老公，大晒幸福。雖已為人妻，但她表示依然有意向大銀幕發展，最近又客串熱爆劇《衝上雲霄II》，並希望以偶像林志玲為目標，做個完美女人。
現職航空公司高層的前華姐陳爽，早前客串無綫劇《衝上雲霄II》，她笑言做番自己：「日頭返工，夜晚入廠做嘢就好似仲返緊工咁。」相隔兩年，再次拍劇，陳爽表示令她懷念做藝人時的生活：「每日有新嘅挑戰，同埋女仔係好享受花時間去扮靚，喺無綫3年半，主持、廣告、拍劇、拍電影，好多都試過，到咗一刻都想試吓挑戰性大啲，利用多啲自己嘅智慧，出去闖一闖。」
時間較彈性
很多人離開花花世界後，都難免會感到失落，但陳爽就指現在時間較為彈性，更有不少空檔和老公過二人世界，她說：「人哋叫我做人妻，我都要照顧家庭，依家同老公時間配合番，好開心周末都可以拖住手去睇吓戲，呢啲係藝人好難做到嘅。」
想做林志玲
雖已為人妻，但陳爽依然想做個溫柔大女人，有意向大銀幕發展：「一路有呢個夢想，睇吓有冇呢個緣分啦，我唔係好強求嘅。（老公支持？）佢好支持我做我鍾意做嘅嘢，精神上佢畀咗好多指引我，好似依家我開始寫專欄，都係佢鼓勵我。」陳爽又以台灣藝人林志玲為目標，並希望成為完美女人：「其實女人無論邊個年紀都可以好靚。」
文：影視組
攝：沈健程
化妝：Wendy Lee@Wendy's Workshop
髮型：Ling Chow@M.i.Salon
服裝：Vivian Chanelle
鞋履：DYOS