姜麗文作曲Eason賞識

歌手姜麗文(Lesley)日前出席活動時表示終於在網上發布「新」MV:「其實首歌2010年已經出咗,但係當時唔夠錢拍MV,儲咗三年用咗幾萬蚊,終於拍得成!」雖然有個星爸秦沛,但Lesley拒絕攤大手板問屋企拎錢做音樂:「淨係搵咗阿哥幫手,同埋好幸福我有好多朋友,個個都嚟幫手拍攝,幫我慳唔少。」

最近Lesley獲歌神陳奕迅(Eason)賞識,被邀為他寫歌,更成為他今年第一首主打歌,她興奮地說:「其實首歌係我20歲嗰時寫落,有次Eason送我搭車,問我有冇啲歌畀佢聽吓,我當晚即刻send晒啲歌畀佢聽,當我知道佢會用我首歌,即刻爆喊咗出嚟!」