黃建東戀戀光頭
前港男黃建東（Derek）早前在橫店為無綫劇集《食為奴》拍攝外景，飾演「九阿哥」的他與飾演父王的資深演員岳華、黃智賢及李家聲結劇緣，獲益不淺，更感激黃智賢的指點：「我好驚行錯位、遮咗燈，佢鼓勵我放鬆啲，又教我好多拍攝技巧，家聲都傳授咗好多演戲心得畀我。」
拍完劇集後，Derek對各位前輩依依不捨，令他更不捨的是光頭look：「為咗部劇我專誠剃光頭，依家可以回復『自由頭』重新長頭髮，其實光頭帶畀我唔少工作機會，要同光頭look話別，唔係好捨得。」現時他要重新操弗，重拾當年選香港先生時的體態。