杏兒再遇鎮宇未驚過

十年前胡杏兒有份演出劇集《衝上雲霄》，今次在熱播中的新劇《衝上雲霄Ⅱ》中搖身一變成為飛機維修員夏晨，外形上型格十足兼cool味甚濃，但原來角色背後，杏兒付出了不少，她要把心一橫剪了男仔頭，營造硬朗感覺，她說：「起初好抗拒，但最後都係鬥唔過監製把口要屈服。」

自覺過關

回憶拍攝首集的點滴，杏兒以「痛苦」來形容，她說：「當時自己好新，又孭咁重戲，仲要對住影帝吳鎮宇咁多對手戲，真係好痛苦，但今次就輕鬆得多。（因為有咗視后名銜？）呢個唔係主要原因，係多咗十年演戲經驗。（想知鎮宇覺得你有冇改變？）冇啦！一陣話我冇進步咪死，佢唔講可能仲好，有問題佢一定講，應該過關啩？！」

兄妹之情

十年前，杏兒飾演Zoe一角，大家都認為她的真人與現實生活同樣開朗，不過其實剛剛相反，杏兒說：「今次演夏晨個角色冇咩對白，反而多用眼神同表情去交代，特別係同張智霖嘅兄妹情，拿捏時比較容易。」

文：影視組

攝影：鄭家俊

髮型：Lorraine Lam@Hair Culture

化妝：Miko Wong

場地：The Mira Hong Kong