林欣彤尷尬 認玩鴛鴦戲水
林欣彤（Mag）近日推出新歌《番梘》，為了與眾同樂，特別相約一班「彤伴」合力整番梘。已非首次寫浴室主題歌曲的Mag，笑言事有湊巧，又尷尬自爆有鴛鴦戲水經驗。
正為新碟進行錄音的Mag，近日率先推出親自作曲填詞的新歌《番梘》。為配合新歌主題，Mag日前特別與粉絲殺入番梘工場，落手落腳炮製番梘，實行要做個識「梘」之人。
沖涼有創作靈感
Mag之前有首歌叫《洗澡》，現在又寫一首《番梘》，問她是否要寫一系列圍繞關於浴室的歌？她笑言：「我冇心o架！突然有人同我講之前有首歌叫《洗澡》先醒起，覺得幾搞笑。」Mag又指沖涼時環境安靜，特別有創作靈感。問可會和男友鴛鴦浴？她尷尬笑說：「冇呀，不過細個同細佬成日咁做，媽咪仲放滿成缸泡泡畀我哋。（同男友接受唔到？）唔知呀，未試過有呢啲要求，答你唔到喎！」
早前患病的Mag在休養期間在網上看了不少欺凌片段，故有感而發寫一首關於欺凌的歌。她謂：「我覺得欺凌者就好似捽番梘咁，自己愈來愈香，但被欺凌嘅人就愈來愈細。」
被指詐病難接受
Mag更自爆被欺凌的經歷，她說：「我成為公眾人物之後成日受到抨擊，失聲休養嗰排好接受唔到，心靈比較脆弱。有時睇到啲網上留言，啲人話我扮病，有啲話我去陪老闆，又話我去整容！我嗰陣好嬲，不過依家已經冇事。」
文：音樂組