梁麗瑩曾患怪病全身痹
在無綫劇《師父．明白了》飾演捕快的女藝員梁麗瑩（Davily）甚為孝順，特意炮製「彩虹雲石芝士蛋糕」冧雙親，賣相及味道俱佳！Davily直認曾是任性少女，獲父母寵愛：「記得我細個喺新西蘭讀書，因為失戀想走，爹哋冇怪我任性，仲體諒同鼓勵我，接咗我返香港。」
之後Davily在澳洲留學時患上跟杜汶澤曾患的怪病「米勒費雪症候群」，控制不到眼皮及眼珠，多位醫生也束手無策，父母即放下一切到當地照顧她半年：「住咗幾個月先知係呢個病，一度全身麻痹，最嚴重可以係死o架！父母即刻過嚟陪我，好感受父愛母愛嘅偉大。」