周秀娜升呢老闆娘 Bra閉錫身

周秀娜（Chrissie）前晚谷行4吋事業線，出席自己有份投資的內衣品牌活動。專程從北京趕返香港的她，透露因天雨關係而飽受飛機晚點的困擾，導致遲了一天抵港。她說：「我尋日好想有個男超人出現，又或者自己變成女超人，食晒啲黑雲。」

問到她為何不親自行內衣騷做「生招牌」？她表示：「因為曬太陽搞到膚色唔均勻。（依家『升呢』，地位同身價唔同咗？）我今日以投資者身份出席，唔係模特兒。（避免着得性感行騷？）唔係，我拍戲都唔講底線，我睇件事。」她透露是次投資了7位數字，謙稱是小小的投資者，續說：「知道內衣嘅銷量好好，每年都有增長。」

周秀娜（中）貴為老闆娘，行騷留番畀模特兒。

女模示範內衣，性感誘人。

想畀費迪南包起

而提到球星里奧費迪南（Rio Ferdinand）早前訪港，她表示已介紹對方給自己所屬的娛樂公司投資者認識，接下來會有新合作。她說：「佢一向對亞洲市場有興趣。（有傳佢想請你去英國睇波？）我想去，不過嗰時我拍緊戲。最好包機包食宿就好，最好係私人飛機，咁就唔使delay。」問到對方有否追求她？她笑言對方已有老婆，不會追求自己。

文：名人組