糖妹講明唔吼師弟
歌手黃山怡（糖妹）與若琪（Takki，前名王若琪）前晚以師姐身份，出席由七位男子組成的樂隊享樂團（3Think）加盟維高文化的簽約儀式，糖妹更化身「熊妹」，穿上紫色巨型熊啤啤衫助興，更送上雞毛掃訓示一班師弟要時刻保持最弗狀態。
「震波」冧師姐
不過台上焦點依然離不開糖妹與何浩文（Dominic）的一段舊情上，當大隻仔低音結他手Paul在台上除外套示範「震波功」時，即被司儀趁機抽水說：「哇，唔好畀糖妹見到，費事佢心傷。」最巧合的是主音Don竟與Dominic「撞樣」兼撞名，外型、高度有八成似，Don說：「我唔知佢咩樣，要番去睇番報紙。」他們更笑言要上演一幕「七男追女神」，還大讚糖妹說：「個個都畀佢電親、『甜』親，我哋七個會爭住追佢，會操大隻啲冧佢！」他們更大爆結他手Addy最冧糖妹，而Addy亦直認：「係，我鍾意佢。」
唔想搞緋聞
雖然七子輪流出冧招，糖妹似乎唔多領情，甩拖不久的她更說不會在七子中揀男友：「千祈唔好喺公司搞緋聞。（佢哋靚仔過舊愛？）唔知呀，唔回應啦。」她更將師弟們比喻為「雪姑七友」：「我係小白雪公主，我哋公司一向女多男少，今次終於可以陰陽調和。」
文：音樂組