法拉裸背撒網 Chilam冇眼睇
張智霖（Chilam）與陳法拉的火辣激情戲前晚「千呼萬喚始出來」，結果引起網民激烈討論，有些更鬧爆無綫硬cut「精髓」之餘，還爭相在互聯網上搜尋海外完整版本以「一窺全豹」。法拉性感大露背向Chilam投懷送抱，騷味盡出，落力扯高收視，當大家羨慕Chilam的「待遇」時，Chilam幽默笑言：「真係咁益我咩？大家唔係唔記得當時我被蒙住眼呀？！」
Chilam與法拉之前出發往法國拍攝《衝上雲霄II》，已事先張揚會有一場古堡酒窖內的火辣親熱戲，由於女方於較早前的《有營煮婦》中露bra場面仍記憶猶新，故不少粉絲都寄望今次會有「新衝擊」，只可惜前晚萬眾期待的親熱戲「出籠」，卻被發現刪剪得支離破碎，只見法拉扭動身體向Chilam獻媚，然後坐上男方大髀扯下絲巾，用以蒙着對方雙眼，接着自行脫衣露出纖腰向Chilam獻吻，未正式「埋牙」已遭硬cut，令觀眾大感無癮，於互聯網討論區留言投訴喪鬧，更投訴二人感情發展太快，亦有人質疑法拉露背是否由替身頂上。
共接5宗投訴
雖然引起激烈討論，不過該場激情戲並未令劇集再創收視高峰，全集最高收視31點，是落在法拉於鎖橋上放下前男友所送手鈪的一場戲，至於Chilam與法拉的「肉搏」，換來無綫方面接獲2宗投訴意識不良，通訊事務管理局則收到3宗投訴，包括刪剪內容令劇集不完整，以及內容意識不雅。昨日網民於網絡上成功尋得足本版，發現整體上分別不大，但Chilam用手橫掃法拉玉背，以及法拉的大露背相當吸睛。
唔介意被刪剪
Chilam前晚趁友人生日，因利成便與眾人於酒樓欣賞這場火辣戲，事後表示：「剪咗好多，不過合家歡時段係咁嘞，咁嘅安排無綫誠意十足。（朋友覺得點？）佢哋睇開美國劇，呢啲好小兒科啫。（好多人羨慕你喎。）你估真係咁益我？（法拉做足防走光措施？）當時我蒙住眼o架，乜嘢都唔知。其實你問我嘅話，我覺得今晚（昨晚）播出同胡杏兒嘅兄妹情戲份會更加好睇。」至於身在外地的法拉對於「心血」被刪剪則直言不介意，因知道無綫會剪一個最好的版本來播：「拍嘅時候，我哋係根據劇本去拍，刪剪問題交由導演同監製去處理，我好尊重佢哋嘅決定，演員比較重視演出表現。」
文：影視組