妙芝教兩子 幸福非必然
放暑假最令家長頭痛，事關要為子女安排節目。名模歐陽妙芝除帶兩名囝囝到迪士尼樂園又住又玩，還將到星馬泰旅行，但兩子竟要求去長途旅行，有見兒子生活無憂，妙芝決定安排他們到貧窮地區體驗生活，明白幸福非必然的道理。
名模歐陽妙芝為安排暑期節目給兩個仔仔方玉丞（Achille）及方玉亨（Atilla）絞盡腦汁，早前與兩子入住迪士尼樂園酒店，除了游水、玩迷宮外，還可以與睡衣米妮說晚安，還可在露台觀賞煙花。
身為樂園VIP的妙芝透露囝囝曾試過被安排撳掣放煙花：「雖然只撳掣一下，但佢已經開心咗好多日，覺得個煙花由佢一手控制。」向來有跳舞天分的Atilla當晚更自備音響，在房內為親友跳舞。翌日，他們在酒店食早餐時與眾卡通人物合照，是他們最愛的環節之一，妙芝笑說：「其實佢哋每次嚟都影好多相，但影極都唔夠。」
短途旅行竟不滿足
妙芝又謂8月中將與兒子到星馬泰旅行，但他們卻不滿足，反稱想去長途旅行，她無奈說：「阿仔話好多同學仔去美國、歐洲旅行，佢就即該話想去遠啲。去咁遠地方有好多嘢要兼顧，覺得自己未必控制到，同埋都唔想佢哋下下同人比較，我細個捱過苦，都係大個自己做嘢搵到錢先去旅遊，佢哋已經好幸福，所以遲啲等佢哋大個啲，會安排探訪，去第三世界國家體驗生活，等佢哋知道自己已經好幸福！」
文：名人組