黎諾懿Pat Pat捱撞 兩萬埋單
藝人曹永廉之前的座駕於大埔遭的士撞到車尾，幸而沒有受傷，前日，黎諾懿亦遭遇類似的交通意外，他於微博上載了照片，更留言謂：「早上的無妄之災，屁屁被的士大哥狠狠的親了，人沒事，不幸中之大幸。」而不少《愛．回家》的拍檔都有留言，郭少芸叫他要小心，至於蔣家旻留言謂：「接近神的阿叔無事就好啦！」昨日，記者致電給黎諾懿，他坦言前日駕着座駕駛至西貢白沙灣對出時，被的士撞到車尾，bumper都撞毀，估計要花近二萬元作維修。
諾懿謂：「其實當時架的士都行得好高速，我係停定喺度，不過佢都停唔切，我望住倒後鏡都見佢喺遠距離好快咁駛上嚟，當時我即時鬆咗個hand break，睇住佢撞埋嚟！」
女友同車無恙
問到車上除了他之外，還有沒有其他人時，他坦言：「當時我女朋友都喺隔籬，（有冇受傷？）冇，好好彩，大家都冇事。」諾懿又指有報警：「都有落簿，估計要整萬八至二萬蚊，（對方是否認數？）暫時佢都認數，咁真係佢唔啱嘛！」
文：影視組