志偉踩港姐甩皮甩骨
質素未見突出的候選港姐昨日在將軍澳電視城宣傳，首次見佳麗的星級導師曾志偉被司儀問到佳麗質素時也踩多腳，嘲諷佳麗質素甩皮甩骨，他說：「諗唔到佢哋係咁嘅樣！」志偉更直言選美好多黑幕。
《2013香港小姐競選》二十位候選佳麗昨日以自選服飾在將軍澳電視城出席宣傳活動，佳麗先後作自我介紹及由司儀崔建邦問問題考驗急才，廣東話不純正的(9)劉溫馨講到自己面油多， 她說：「我後生先會出油， 我會照多啲勁（鏡）， cut（吸）一cut（吸）油。」其後，傳媒選出「最受傳媒歡迎佳麗」獎項，由熱門佳麗(17)陳凱琳奪獎。
星級導師曾志偉昨日首次見佳麗，他應邀上台頒獎，被崔建邦問到覺得今年佳麗質素怎樣時，志偉竟然狂踩佳麗質素，笑說：「冇乜所謂啦！選美好多黑幕，未到最尾一日都唔知邊個贏。今年真係好似港姐口號咁，超越我想像，諗唔到係咁嘅樣！今日呢啲甩皮甩骨，冇所謂嘅， 未見慣傳媒啫！」被志偉狂踩的佳麗惟有以笑遮掩尷尬。志偉受訪時解釋說：「我嚇吓佢哋啫！將佢哋推落谷底，先容易有進步！」
陳凱琳受傳媒歡迎
「是非佳麗」(13)歐陽巧瑩被問到再有親密照流出，她說：「我未睇過好難定義，我從來都冇影過出嚟唔舒服嘅親密相，連咀相都冇影過，咀相都要等到結婚相先至會影！」(6)劉佩玥在台上坦言對穿三點式泳衣感到好大挑戰，問她是否暗寸歐陽巧瑩豪放地將泳衣照放上網，劉佩玥說：「唔係，每個人都有唔同性格，有啲open，有啲保守。」奪「最受傳媒歡迎佳麗」的(17)陳凱琳則坦言加強了信心，希望贏得后冠。
港姐等你起底
爆料熱線：3600 1022
爆料傳真：3600 1000
爆料email： entertainment@opg.com.hk
採訪：影視組