千語透背唔使問林峯
吳千語昨日以背部透視裝出席活動，大晒青春本錢。問她如此性感可有問准男友林峯？她說：「冇，自己覺得OK，過到自己就得。（再性感啲？）睇情況。（低胸出席活動？）影相試過，出席活動就怕會走光。」
提到之前她在活動中與苟芸慧及岑麗香三人一同走光，她解釋：「睇番啲相又唔係，條裙白色，自己係（手禁）住條裙，唔係打底褲，個台嘅設計有問題，以後上台都會小心。其實上台前我都有同香香講話擔心會走光。（有冇打畀男友講番？）冇，有啲尷尬。」她透露正在拍攝賀歲片，與老闆黃百鳴及林子祥合作，提到今年賀歲片對手很強，她說：「希望觀眾兩邊都鍾意，兩邊都會睇。（男友今年會唔會拍賀歲片？）冇聽講過。」