江若琳高踭鞋谷劇舉步維艱
江若琳（Elanne）主演寰宇最新古裝劇《巾幗大將軍》正在內地熱播，靚女日前隨隊返福建宣傳，場面相當熱鬧，她更與在場粉絲互送禮物及合照留念。原來Elanne原籍福建，故深感此行分外親切，她更即場大晒福建話，氹得在場同鄉們開心不已：「我自細就喺呢度長大，能夠返嚟宣傳梗係特別開心啦。」
大會安排台前幕後齊齊登上郵輪「巾幗號」作啟動儀式，寓意收視長虹，不過腳踏6吋高踭鞋的Elanne舉步維艱，擔心叉錯腳出醜人前，惟有緊扶工作人員及導演借力，她笑言全程恍如老佛爺出場，樣子搞笑。
擇偶要才華
今次Elanne與兩大帥哥袁弘及陳思成大演對手戲。當主持問到根據其擇偶條件，她會選擇誰當終身伴侶時，Elanne竟大派檸檬謂：「我鍾意才華型，佢哋太靚仔唔屬於我。」對於戲中的演出被導演田有良讚口不絕，Elanne謙虛回道：「太抬舉嘞，諗番拍嘅時候真係好辛苦，得到大家支持覺得乜都抵番晒。」
文：影視組