黎芷珊慳家踎低尋寶

現年47歲的黎芷珊，在娛樂圈打滾接近30年，去年在無綫節目《最佳男主角》訪問了梁朝偉、鄭伊健、謝霆鋒等多位巨星嘉賓，節目播出後隨即令她人氣急升，亦在去年台慶頒獎禮中勇奪「最佳節目主持」，今年更升呢在書展出書做才女。

夾腿怕走光

事業得意的芷珊，去年跟拍拖9年的男友張達倫分手後，感情至今未有着落。日前下午3時許，身穿連身裙、腳踏3吋高踭鞋的她，獨個兒到中環行街買衫。雖然該處名店林立，但向來慳家的她，只選擇到附近一間正在做大減價的平民化時裝店。

芷珊踎低揀鞋，十分落力。

主攻特價區的芷珊，左望右望揀心頭好。

她極速在店內逛一圈，似乎對3、4吋的高踭鞋感興趣，見她左望右望一輪，隨即踎低起勢揀，幸好她仍保持儀態，夾埋雙腿未有走光，終揀中銀色高踭鞋。意猶未盡的她其後挑選價值199元及299元的特價貨品，雖然芷珊已孭着一個大手袋及一袋戰利品，但仍細心四圍睇，衫褲鞋襪全不放過，最後挑選大堆靚衫往更衣室慢慢試。

文、攝：追蹤組