余文樂傷手照贏

余文樂和周柏豪前晚到元朗進行籃球比賽，二人率領球隊大炒對手。狀態大勇的柏豪更有多次精彩演出，包括成功剷籃兼搏得對手犯規，自己操刀射入罰球；而樂仔亦成功射入三分籃，贏得全場掌聲！毫不錫身的樂仔在比賽中弄傷左手手指，經過包紮後再度上場，認真搏命！
工作人員為樂仔清理傷口。
工作人員為樂仔清理傷口。

賽後樂仔表示打波會全力以赴：「我唔會留力，而且打波成日受傷，唔擔心受傷。」而下年開紅館騷的柏豪藉打波練體力，提到陳奕迅不滿歌迷亂叫，有去捧場的柏豪說：「我唔夠經驗去講，但我都幾同意，歌手好投入感情，但台下有人嗌，會打斷嗰一下感覺，應該要留意吓。」

余文樂（中）揚言打波會全力以赴，不會留力。
  • 余文樂（中）揚言打波會全力以赴，不會留力。