泳兒同師妹「撞樣」

歌手泳兒（Vincy）昨日偕同洪卓立（Ken）、師妹許靖韻（Angela）出席在荃新天地2期舉行的《愛心滿東華》活動，有指泳兒與Angela餅印一樣，記者笑問泳兒二人可有親戚關係？她說：「我媽咪只生咗我一個女，但我驟眼睇都覺得似，但佢就青春陽光啲，我依家應該成熟少少，（驚唔驚分薄資源？）唔會咁諗，歡迎唱得有潛質嘅新人，公司肯投資，唔會自己打自己嘅。」
泳兒（左）笑言師妹Angela同自己好似樣。
泳兒（左）笑言師妹Angela同自己好似樣。

同場的Ken皮膚愈來愈黑，正在操肌的他透露最近有照燈曬黑，亦成功增肥廿磅，但因飲大隻奶粉以致額頭爆瘡，問他若然成功爆肌可會考慮出寫真？他說：「寫真就未必，都係主打唱歌。」

洪卓立曬燈操fit，轉型做肌男。
  • 洪卓立曬燈操fit，轉型做肌男。