李麗珍李若彤夾口供拆掂

藝人李若彤、李麗珍、張慧儀、葉蘊儀等，昨日在將軍澳電視城拍攝新劇《M Club》（前名《Aerobic Girls》），四人齊齊穿上校服配上爆炸頭，再加紅爆胭脂的超級大濃妝，造型爆笑兼重口味！不過她們就似乎非常享受，李若彤更笑言感覺親切，令她想起那些年的學生時期：「好耐冇試過着校服，唔想除！」

早前有報道指珍妹因不滿李若彤戲份多而傳出二人不和，但現場所見她們全程有講有笑、攬頭攬頸，以行動粉碎不和傳聞。受訪時，李若彤和珍妹皆否認不和，李若彤更表示是透過朋友才知道報道，她謂：「無論點答都會畀人演繹唔同嘅版本，總之冇影響我哋合作。我哋私下都有傾有講，呢件事我哋都有商有量，傾點樣講。」她更連講兩次「唔睇唔理唔知」，實行將是非拋諸腦後。

張慧儀甚有「學生妹」的味道。

（左起）葉蘊儀、張慧儀、李若彤、李麗珍。

供女留學呻辛苦

至於珍妹亦表示她們為報道夾過口供，她澄清自己沒有爭戲份：「我從來唔爭戲份，同埋劇本已經寫好晒，冇得爭嘅！（尷尬？）唔會，都唔係真，點解要尷尬？」珍妹又透露女兒將於月尾到外地升學，她直言不捨得，但希望愛女學會獨立，還感慨說：「做單親媽媽好辛苦！」

文：影視組