九秒九飛撲慰問 Naomi恨翻撻思捷
李思捷緋聞舊愛馮鎵瀠（Naomi）坦言對思捷與春卷分手不感意外：「我都同男朋友分咗手，好明白佢哋感受，祝分手快樂。（一直唔睇好佢哋？）哈哈，好難答喎！本身唔識個女仔，但以我所知思捷係好男仔，對女友好好。」問會否覺思捷太多緋聞而嚇走另一半？她借機大讚思捷：「佢係男主角，多女仔鍾意好正常，傳緋聞係娛樂大家。同埋佢有型又有才華，啲人送上門唔出奇。」又不忘祝福春卷重新上路：「希望佢搵到自己目標方向，努力工作。」
至於會否致電問候思捷？Naomi表示：「我電話24小時開住，佢可以隨時打畀我。如果佢想人陪，我9秒9飛出去，但就唔會主動打畀佢。」問二人可會趁機再續「前緣」？她說：「佢OK我OK。」