陳雅倫：唔好同妹妹仔太親熱

身為李思捷好友的陳雅倫與單立文，對於春卷突然宣布單身一事均感愕然。曾跟思捷傳緋聞的陳雅倫直言不相信兩人分手：「唔係好相信，春卷係一個難得嘅女仔，亦好了解思捷，亦覺得思捷好重視春卷，唔會咁容易散，我諗佢哋只係想低調啲，唔想有咁多無謂嘅是非。」提到思捷上月的錫女照流出，春卷如今宣布單身，很容易令人聯想到兩件事有關連。陳雅倫對此表示：「我一向當思捷係細佬，好早都話過佢唔好同啲妹妹仔太親熱咁影相，如果再有呢啲相都真係幾失望。明白藝人一定有桃花，但要識得避忌。」
陳雅倫與李思捷曾傳姊弟戀。（資料圖片）
陳雅倫與李思捷曾傳姊弟戀。（資料圖片）

單立文則封嘴避談好友分手：「吓？！好突然，我完全唔知，等我了解同消化吓先再回應啦！（覺得好可惜？）等我消化咗，有嘢講先講啦。」

單立文早前幫春卷迴避傳媒，以免她被追問尷尬問題。
  • 單立文早前幫春卷迴避傳媒，以免她被追問尷尬問題。