馬德鐘供子留學預娶洋新抱
最近忙於拍《飛虎II》的馬德鐘，九月尾拍完該劇後就馬不停蹄要到內地拍劇搵人仔，原來要搵定銀供囝囝到法國讀書，故要努力賺錢，他又笑言不介意囝囝戀洋妞。
藝人馬德鐘、范振鋒、李雨陽、陳智燊、歌手鍾舒漫、港姐張名雅、岑杏賢等前晚出席「海外學生仁濟夜2013」慈善餐舞會，同場名人梁家駒的兩位千金梁慧妍及梁慧華更打扮性感到場。正拍無綫劇《飛虎II》的馬德鐘稱今輯比上輯拍得辛苦，因好多大場面而休息不夠，他更透露十月回內地拍劇，到明年年中才有檔期。他亦透露會讓囝囝到法國讀書：「佢細個喺法國讀法文，依家15歲，要畀佢闖吓，自己解決問題，仲有幾年時間準備。」他更笑言如囝囝到時帶外籍女友回家亦會接受。
提到早前太太張筱蘭批評《衝上雲霄II》大灑鹽花？他直言現在少時間看劇，反問記者：「馬國明同江美儀都灑鹽花？（覺唔覺電視尺度開放？）社會進步，咁會真實啲，但合家歡時段都要兼顧小朋友，我覺得我當年個故事OK。」
范振鋒開餐廳
同場的李雨陽早前被影到與Super Gear成員Milky在後巷攬啜，他否認二人正在拍拖，堅稱是朋友，自己要專心工作。而范振鋒表示與多位友人合資開設日本餐廳，歌手劉浩龍亦是股東之一，但其女友容祖兒就冇份投資，現正找風水師為餐廳改名。
文：名人組