林志玲 喱士女王
喱士凸顯女性溫柔嫵媚的特質，呈現若隱若現的性感美態，高貴優雅，屬各大時裝設計師愛用的元素，近年更是愈趨流行。由經典的黑白色至繽紛色彩，且細分多種不同Pattern和布料，可塑性極高，可以女人味十足，也可柔中帶剛，型格兼備。不過切忌由頭到腳都着上喱士，隨時變成Lolita或俗氣娘爆。中外不少女星Model均是喱士捧場客，名模陳嘉容就大讚大美人李嘉欣時尚優雅，而台灣第一名模林志玲則高貴性感。
林志玲
「高貴性感嘅演繹，完全難唔倒佢，佢高挑嘅身形Carry得好靚，係天使面孔同魔鬼身材嘅結合，修長美腿輕易駕馭到高衩嘅設計，心口上嘅喱士性感但一啲都唔暴露，予人感覺性感其實又無露到啲咩，係着喱士嘅最高境界。」
官恩娜
「條裙靚，佢都着得好靚，可惜對鞋扣咗分，個鞋踭深色咗少少，換對露趾高踭鞋，桃紅色、粉紅色又或者係彩藍色都可以，會佻脫同活潑啲，依家好保守，好在佢笑容搭夠。」
李嘉欣
「條裙靚，佢都着得好靚，可惜對鞋扣咗分，個鞋踭深色咗少少，換對露趾高踭鞋，桃紅色、粉紅色又或者係彩藍色都可以，會佻脫同活潑啲，依家好保守，好在佢笑容搭夠。」
鍾嘉欣
「條裙一啲都唔靚，嘥咗佢甜美嘅面孔同修長嘅身形，着到佢無晒Shape，成個燈罩咁，而且啲喱士嘅Pattern亦都唔襯佢，身上無任何Accessories，令成個Look好沉悶，加番對撞色嘅耳環或者頸鏈，會有番啲層次感。」
范冰冰
「條裙好靚，佢嘅髮型同化妝都好襯，雙腿若隱若現，性感迷人，不過可能係條裙嘅Size太大同埋太長，顯得有少少論盡，如果條裙短番啲細條番啲，佢行出嚟個效果會更瀟灑。」
變形金剛女星Rosie Huntington-Whiteley
「喱士Top襯西褲好有型，好Fashionable，同時又散發出女性嫵媚美態，剛中帶柔，將Casual喱士Look演繹得好好。」
美國偶像歌手Selena Gomez
「幾靚，高貴得嚟又有少女味，條裙有啲黑色窩釘幾特別，襯黑色高踭鞋都OK，但最失敗係個髮型，太實太硬淨，顯得好累贅，唔係咁襯到條裙嘅韻味，個髮型可以Set番鬆啲Soft啲，會更加嫵媚。」
Profile
香港著名模特兒陳嘉容（Eunis），曾為各大國際品牌行時裝騷，在時裝界打滾多年，在時裝的理論還是實戰都難不倒她，近年更為電視時裝節目擔任主持，化身stylist教人配襯衣着打扮。