AD2怕裸照外洩喊住報警
早前驚爆疑被人灌醉拍裸照的o靚模組合AD2兩位成員Amy與Aily，昨傍晚到警署報警，Amy透露事發後想過自殺，並謂希望犯案者得到合理懲罰。
AD2兩位成員Amy與Aily曾不只一次自爆在內地疑被前公司高層灌醉拍下裸照，昨傍晚六點半，兩女由新公司經理人陪同下，往黃大仙警署報案。由於案發地點在佛山，有指事件暫由重案組跟進，稍後轉介國際刑警，再轉交公安調查。
Amy與Aily受訪時稱今年五月於內地拍寫真時，獲邀與人食飯，期間酒量欠佳醉倒，Aily在半醉下發現Amy疑被影裸照，她說︰「聽到有人話要影埋我，之後張開眼見到有三個人，其中一個係拎相機，佢哋見到我張開眼就走咗，當時見到Amy件衫被拉高至鎖骨，見到胸部。」Amy說得知被拍裸照後想過自殺，她哽咽謂︰「因為好驚，所以冇報警，怕被尋仇。」
Amy直指沒見過裸照，而Aily則稱肯定對方有影過，並謂多次向對方要求拿回照片不果。直認無知的兩人，表示看到張暖雅事件後，即有感要採取行動以防裸照外流，Amy說︰「希望佢得到合理懲罰，我哋係發明星夢，但唔代表可以畀人灌醉同影裸照。」
對於事件於內地發生，在香港報案，黃國桐律師表示若涉案者是香港人便會受理︰「如果影裸照嗰個係香港人就可以。」他指若要有該批裸照作證物，可邀內地證人助查。
張暖雅申請禁制令
另外，近日有裸照流出的張暖雅，昨在微博上載自拍短片作聲明，期間哽咽及眼泛淚光，她表示裸照曾交由前經理人保管，又表示將申請禁制令：「7月22日完成了我最後一單工作，我的照片及胡耀輝的婚訊也隨之流出。在這世上，只有兩人曾保管過照片。」對於張暖雅的聲明，其前經理人公司透過電話回應：「再證明佢講大話，佢喺2012年係有展示過自己嘅裸照，不過唔係網上流傳嗰批，當時輯相隱約見到有個男士在場，佢話係一個台灣朋友，而輯相嘅種喺佢前上海男友度，兩人分手後，就落咗喺佢前男友現任女友手上。」
文︰專案組