古仔咀詩詠又（慶）又濕
演員古天樂、劉青雲、李心潔、張兆輝、唐詩詠等出席寰宇電影《逃出生天3D》記者會，戲中除了不少危險場面外，古仔與唐詩詠更有親熱戲，雖然由偶像古仔欽點拍攝，但身為「粉絲」的詩詠就嫌太少！
《逃》片以投資逾億港元拍攝，利用3D技術營造逼真效果，即使昨日在邵氏片廠舉行記者會也要「火」氣十足，兩位導演以及一眾演員在熊熊烈火下造勢宣傳，彭順、彭發醒目地穿起消防員裝束做好準備，但此舉就苦了身為彭順太太的李心潔，只見她熱得不時摸摸頸背，到第二次起火直情要避開。各人在台上分享拍攝經過，詩詠自爆因與偶像古仔合作而非常緊張，幸得對方幫忙入戲，還冧爆稱：「佢都唔係我想像中咁cool。」
怕醜拒交換冧巴
提到今次古仔專誠欽點詩詠任其「女友」，古仔解釋是機遇下看到詩詠在某劇集的演出，覺得她適合此角。問到可覺對方拍攝時一臉迷戀他？古仔苦笑道：「冇啊，（有無合照、交換電話？）統統都無！（場咀戲有無濕吻？）嘩！我由火場出嚟都濕晒啦，仲濕吻？」詩詠則稱拍攝吻戲當日下雨需趕拍，故沒時間想太多，問她可感「夠喉」？詩詠扁扁嘴說：「拍咗每個鏡頭一、兩個Take，都夠回味，（做咩唔交換電話號碼？）唔敢呀，遠觀就夠。」
青雲難忘「焗桑拿」
青雲透露現場熱得幾條內褲都濕透，感覺像焗桑拿般，最難忘是在拍攝（車立）槽的場口，熱到等多兩秒也頂不住；張兆輝則以個多小時要化上被灼傷的爛面妝：「似起水泡，好彩之後冇皮膚敏感。」
文：影視組