楊愛瑾認曾排斥傅穎
楊愛瑾（Miki）昨日在電台錄音訪問中坦言在組合Cookies「四餅女」時期，曾與前隊友鄧麗欣、吳雨霏一同排斥傅穎（Theresa）：「嗰時好細路女，試過我哋三個上咗車傾到吱吱喳喳，Theresa一上車我哋就唔出聲。可能因為佢處女座性格要求完美，又覺得佢唔太識顧人感受。公司好快就發現我哋不和，之後我哋四個約咗出嚟傾，講完就冇事。」
一直被指是第三者的Miki坦言曾考慮應否與男友郭永淳發展下去，看完報道不開心，內心亦掙扎過：「佢都受咗我好多氣。雖然媽咪一直好信我，但爸爸有懷疑過我，後尾覺得真愛唔需要理人點睇，條路係自己揀就唔會後悔。」
