鍾嘉欣「質」黃宗澤 爭做大婆
無綫藝員鍾嘉欣和黃宗澤（Bosco）昨日到石硤尾出席剪綵活動，嘉欣以性感斜膊低胸裝略騷事業線，十分養眼，她說：「我又唔覺得性感喎！畀大家嘅反應嚇親，仲以為條裙有污糟嘢。」Bosco則笑謂：「OK，正常啦！佢有本錢可以性感嘅，睇佢肯唔肯豁出去。」嘉欣即表示性感不是她的專長，演唱會歌衫也不會太性感，最多只是再騷纖腰。
一於互撐
兩人的螢幕情侶形象深入民心，嘉欣昨日更不時翹實Bosco，並「質問」緋聞多多的Bosco其螢幕情侶排位，Bosco笑說：「咁你一定係頭幾位，講到我好似好多咁，大家鍾意就得，都期待再同嘉欣拍劇。」嘉欣則笑說：「螢幕情侶嚟講，我應該係大婆！」她還笑言喜歡螢幕情侶檔，想同更多人合作，擦出不同螢幕情侶feel。
嘉欣即將開騷，Bosco則開餐廳，兩人表示會互相撐場，他說：「佢請我做嘉賓，我一定配合！餐廳開之後我實請佢食番餐，試菜，仲可以親自下廚。」