鄧紫棋保不失：咪畀引誘自己
早前宣告出國遊學進修的鄧紫棋（G.E.M.），在離港數月期間生活相當精彩，繼被爆跟男友林宥嘉甜蜜歐遊後，又在台灣頒獎禮上以「十指緊扣」示人，足證兩人愈愛愈高調。昨日G.E.M.終於回應這段「甜蜜之旅」，堅稱在強壯的信仰下「力保不失」：「咪畀引誘自己！」
G.E.M.自與台灣歌手林宥嘉拍拖３年多以來，多次被指把臂外遊，早前G.E.M.更對外宣稱出國遊學，最終被讀者爆料指二人在歐洲現身。雖然G.E.M.一直否認戀情，但上月兩人十指緊扣出席金曲獎頒獎禮，愈愛愈高調的G.E.M.昨日春風滿面的現身電台接受訪問。
「第一次」獻男友
G.E.M.透露到歐洲、美加遊學數個月，問到旅程是否有男友相伴？她卻不置可否：「咩呀？我淨係負責自己嗰部分，其他你哋問佢啦！」全程風騷傻笑的她面對記者的追問時再表示：「救命呀！我唔係佢代言人，留番畀佢講啦。（咁你係咪單身？）唔係！」至於兩人是否同床共枕？她瞪着眼反應極大的說：「唔好成日問啲猥瑣問題啦！同床要結咗婚先可以，我信仰好強壯。」記者稱讚她能在旅程中「力保不失」時，她再度大笑指：「唔好畀到引誘自己。」談到上次在台灣金曲獎的「世紀一拖」，G.E.M.否認對香港傳媒「大細超」﹕「我第一次入圍金曲獎，諗住同佢分享喜悅。」
文：音樂組