嘉芙蓮嘆高人難搵男友
陳嘉容師妹中英混血模特兒嘉芙蓮（Katherine）身高177cm，她直言小時已經是位高妹︰「我讀書時已經高好多，小學最高嗰個都係排最後，我成日都排最後，有同學話要拎啲乜嘢，都係我去幫佢哋拎。」但她卻因此經常搭車撞頭，她笑說︰「我搭巴士上層一定會撞頭，被人發現後就會笑我，所以我好少搭巴士，都係搭港鐵，不過如果着埋高踭鞋都係會撞到。」
而這亦令她大嘆難搵男友，她說︰「我依家係單身，不過男朋友真係好難搵，係咪靚仔唔係好重要，最緊要係內在美，同埋我一定要搵啲我着完高踭鞋都高過我嘅，以前嘅男朋友都係着咗高踭鞋啱啱好。」
攝︰吳文聰
泳衣︰Blossom