邰正宵唱好女人 唔怕比較
入行二十三年的歌手邰正宵（Samuel）透露新碟內翻唱多位女歌手的經典歌曲，令他回想與鄧麗君、梅艷芳和王菲的相遇點滴，而身為樂壇前輩的他，坦言甚少留意香港樂壇，但卻大讚台灣歌手周杰倫和陶喆，看來本港歌手如欲得其青睞，便需加把勁！
香港出生、台灣成長、近年在內地發展的Samuel，入行二十三年，今年出新碟的他透露專輯內容與以往不同：「今次我翻唱多位經典女歌手嘅歌曲，例如王菲、許美靜、陳淑樺嘅歌，全部都係女仔歌，因為自己唔鍾意翻唱男仔歌，怕有比較！」而籌備新碟的同時，Samuel亦回想起昔日與眾多殿堂級歌手的往事：「以前同王菲同一間公司，成日都聽到佢唱歌，我嗰陣就邊聽邊哼，所以今次唱佢嘅歌都特別有熟悉感。
另外，我都好記得一九九四年嗰陣同鄧麗君喺黃埔軍校同台演出，亦都係佢最後一個演出，因為之後佢就過身喇……」而曾獲梅艷芳邀請做演唱會特別嘉賓的Samuel，亦表示可能於下一個專輯內翻唱其歌曲，以示致敬。
少留意港樂壇
在樂壇打滾了二十三年，Samuel絕對稱得上是前輩級歌手，不過專注內地工作的他，坦言甚少留意香港樂壇消息，不過就表示欣賞台灣歌手周杰倫和陶喆：「平時好少留意香港樂壇，不過我比較欣賞創作歌手，例如台灣嘅陶喆同周杰倫，佢地好有音樂天分，自己都鍾意聽佢哋嘅歌！」如此看來，如本地歌手想得到Samuel這位前輩的賞識，便要努力揮低陶喆及周杰倫，創作多點好歌喇！
文：L.
攝：李廣成
場地：尖東帝苑酒店