李潤庭Hea遊倫敦 老婆壓力大
經常要飛往外地工作的主播李潤庭（Eric），於今年三月偕同任職空中服務員的老婆Crystal到倫敦旅行七日。雖兩公婆因密密飛而討厭外遊，但為了捧場Eric最喜愛的魔術師，老婆Crystal亦無托手肘。Eric說：「睇咗個魔術師好耐，今次想親身捧佢場，所以帶埋老婆一齊去。」
因他第一次到當地旅行，所以一連七日的倫敦行程均交由老婆安排。雖然「擔大旗」的老婆曾向他呻壓力大，但Eric則懶理，實行翹埋雙手輕鬆去旅行。好在Crystal與Eric心意相通，明白老公不愛密密麻麻的行程，因此決定「Hea」住過：「我哋都係周圍行吓同睇騷，個魔術表演老婆睇完都覺得好Amazing！」