J.Arie陳慧敏開心做炮灰
薛凱琪師妹J.Arie（雷琛瑜）和陳慧敏在ontv《娛樂on Show》重提被無綫飛出錄影節目一事，兩人均大賣口乖，大讚獲公司力撐！雖在公事上表現得異口同聲，但兩人欣賞的男星就各有不同，曾修讀法律的J.Arie就揀中「law霸」鄭嘉穎，而陳慧敏則點名鄭伊健做她的「古惑仔」。
J.Arie與陳慧敏今年五月因無綫內部權力鬥爭，雙雙淪為炮灰被foul出《勁歌金曲》和慈善節目演出，兩人接受ontv《娛樂on Show》訪問時，均向主持廖嘉輝（Look）透露心聲，J.Arie雖然直言當時感到失望，不過就大讚公司力撐自己：「嗰次係我同師姐Fiona一齊有一個合唱環節，大家都抽咗啲時間話出嚟Studio度練歌，突如其來一個電話就話唔做喇，有少少失望，因為發覺成間公司嘅人都好撐我哋。」
而陳慧敏亦大發感言，她表示事件令全公司更團結：「因為面對任何困難嘅時侯，都可以一齊面對，反而嗰樣嘢對我嚟講唔係困難！」
最愛law霸口才好
為免兩人吐露真言後，感動到眼濕濕，所以主持人Look決定投其所好，要畢業於港大法律系的J.Arie在四位曾在銀幕上扮演律師角色的男星，郭富城、陳豪、鄭嘉穎和周星馳中，挑選心目中最愛的「男律師」，J.Arie直言：「我揀『law霸』鄭嘉穎，因為佢嘅言辭比較言之鑿鑿，真係似番一個喺法庭上面嘅律師！」至於陳慧敏就在四位曾飾演「古惑仔」角色的男藝人當中：鄭伊健、陳小春、陳偉霆和羅仲謙，點名要鄭伊健做其「古惑仔」，陳慧敏解釋：「最鍾意梗係鄭伊健啦，佢喺「古惑仔」界係最勁o架喇，所以做我嘅下屬就梗係佢！」
文：專案組