鍾嘉欣緊張禁家人捧場

無綫花旦鍾嘉欣2008年開始踩入樂壇，歌齡轉眼已經有五年，相比其他歌手應該早已開過不知幾多次個唱。但向來踏實的嘉欣處女個唱要到下月22和23日才在九展開騷，嘉欣並不覺得慢人幾步，反而覺得現在是最好開個唱的時刻，她說：「呢五年我出咗四張唱片，儲咗四十幾首歌，個唱每一部分都可以有自己嘅歌，依個timing好perfect。」

忙到冇得瞓

個唱愈接近嘉欣反而愈不覺得緊張，在最初籌備階段還緊張到失眠，事實上嘉欣即將開拍新劇，同時要為個唱排舞、練歌練琴，準備自彈自唱的她，笑言擔心忙到冇得瞓多過擔心失眠：「感覺好似返去以前同時拍三套劇嗰陣，要相信自己嘅能力，都搵咗私人教練做gym操弗，依家覺得有力量咗。」

鍾嘉欣踩入樂壇五年，下月才首次開個唱。

鍾嘉欣怕分心不准父母前來欣賞個唱，似乎緋聞男友伍允龍則除外。

下一站紅館

本地歌手的個唱目標總離不開紅館，但做事按部就班的嘉欣暫時不想分心去多想，希望集中精神處女個唱，她說：「如果有一日喺紅館開騷會好感動，呢個亦好多fans嘅願望，自己慢慢嚟，最緊要穩陣。」嘉欣個唱不准父母來欣賞，那麼緋聞男友伍允龍可會前來欣賞？她只含蓄地說：「我都買啲飛請朋友嚟睇嘅！」

攝影：黎志輝

服裝：Max & Co

化妝：Kenny Cheung

髮型：Green Cheung@Chin.G

鞋：Melissa+Pedro Lourenco

文：影視組