袁嘉敏E Cup大解放

2009年最上鏡小姐Candy早前約滿無綫，卸下主持形象後即大解放，讓34E咪咪出來唞唞氣，更為驕人身材大平反：「成日見到啲數字，寫極都唔係我真正cup size，通常我着E cup，但啲人寫我D cup。」身形略為圓潤的Candy認為女人多曲線才是美：「我鍾意有肉哋，所以冇刻意減肥，平時都有做運動收緊線條。我覺得鍾麗緹體形最靚，女人應該要大胸、大pat、腰幼，我好怕人哋又乾又扁，食嘢唔係計卡路里，係計營養，個人先會精神啲、皮膚好啲。」

最緊要露得靚

任主持及拍劇四年的Candy，盼望能向外闖成為「百變藝人」：「做藝人應該要有唔同嘗試，我想做電台、電影，最近都有去西片試鏡，有幸同外國導演見面，想試吓同唔同人合作。我唔想四年都喺同一地點做同一樣嘢，希望能再拉闊啲，要我簽到30幾歲先再跳出嚟，我驚到時冇咁精神。（裸露戲？）最緊要睇吓劇情講咩、係咪有point，好似琦溫絲莉（Kate Winslet）喺《鐵達尼號》咁都好靚。」談到不少小花靠緋聞上位，空窗三年的Candy直言恨拍拖，但拒借緋聞上位：「我確實冇感情生活，之前生活就只係TVB、屋企，同住樓下嘅朱璇一樣好孤僻，但我哋都寧缺勿濫，唔想求其搵個。」

化妝：Janice Chan

髮型：Eric

文：影視組