張家輝怕做大隻佬 封刀拍文戲
「七料影帝」張家輝與台灣帥哥彭于晏（Eddie）為演活新片拳手角色，各自操出一身賁張肌肉，講起背後辛酸，家輝痛苦得不禁爆粗，更揚言不會再拍同類電影，即使再多三倍片酬亦say no！
當看到張家輝為林超賢導演新片《激戰》練成的朱古力肌，便明白「你依家冇，但係將來會有！」是甚麼意思，他說：「之前為《大追捕》操fit有幾辛苦得我一個知，今次辛苦二百萬倍左右，好開心Eddie一齊做。為谷肌只能食蛋同雞，真係嘔！但全世界睇你頭，冇辦法唔keep住，《激戰》真係拍到我驚，『Ｘ，又埋位！』，真係拍到我離咗魂！」
3倍片酬都no
同樣離魂的還有拍攝時咀了家輝的Eddie，Eddie說：「我喜歡家輝哥！看到他超爆的身形，胸肌比我還大，我看傻了眼！很榮幸親到他的嘴。（想和家輝拍同志片？）如果能跟影帝合作，我一定會努力！」家輝聞言即落閘，笑言：「選黃秋生！他很不錯，又像老外！」
家輝拍攝此片雖傷及尾指骨，但付出有回報，早前在「第16屆上海國際電影節」贏得「最佳男演員獎」，他說：「拍得咁辛苦，屋企人梗會唔開心，但太太知我有分寸，知我搏命，佢見我操到咁，都話『你啲肉好似就嚟爆炸』，我個女就嗌我『Strong man』，但我拍完，真係冇興趣keep住呢個身形。我封刀嘞，轉拍愛情片，三倍酬勞都no！再多啲就睇吓點啦！」
文：影視組
攝：謝國華