陳智燊宋熙年同居夾口供
藝人陳智燊和宋熙年一直盛傳拍拖，近日有報道指兩人在將軍澳同居。昨日兩人分別在將軍澳電視城出席活動時皆有默契地作出否認，陳智燊為新劇造型時回應：「我哋唔係同居，只係住同一屋苑，嗰日我哋一齊喺澳洲做完騷返港，我哋住喺同一屋苑兩年喇。」
陳智燊又否認為方便與宋熙年交往而住近，他說：「大家都好似當咗我哋一齊，我就冇所謂，擔心影響到人，希望唔好作得咁過分。」他又強調與宋熙年是朋友，現階段不會諗拍拖。
宋熙年出席八月星辰活動同樣否認同居之說，她謂：「我住咗嗰度六年，好多藝員都住喺將軍澳。」強調是單身的她又嘆做娛樂圈不易有追求者。問她可喜歡陳智燊？她笑說：「我哋合作咗咁耐好難唔鍾意，朋友嗰種囉，要有火花都一早燒咗出嚟啦。」